“Ishin dy autorë”- Shoku i tij Martini u vra, ndërsa vetë mori 5 plagë me thikë, zbardhet dëshmia e 14-vjeçarit tek Trauma! Çfarë u zbulua nga kamerat e sigurisë

Grupi hetimor i ka marrë dëshmi 14-vjeçarit të plagosur në sherrin ku humbi jetën shoku i tij i ngushtë, Martin Cani, krim i ndodhur më 18 Nëntor pranë derës së shkollës 9-vjeçare “Fan Noli”

 

I mituri ndodhet në Spitalin e Traumës në kryqytet nën kujdesin e mjekëve dhe dëshmia mësohet se iu është marrë ditën e shtunë në praninë e psikologes dhe familjarëve.

14-vjeçari ka deklaruar se ai dhe Martin Cani janë goditur me thikë dy bashkëmoshatarë të tyre, nga autorit i dyshuar i arrestuar Mario P., si edhe shoku i këtij të fundit, me iniciale G.B.

Sipas të plagosurit, autori ka pasur thikë më të madhe, ndërsa 14-vjeçari tjetër një thikë më të vogël dhe të dy i kanë goditur me mjetin prerës.

Të njëjtën dëshmi ka dhënë edhe babai i të plagosurit këtë të dielë pasi është pyetur sërish nga policia pas deklaratave të tij në media. Kjo ka bërë që grupi hetimor të vijojë sekuestrimin dhe kqyrjen e kamerave të sigurisë në të gjithë zonën nga e para. Tashmë po hetohet edhe pista se të miturit mund të jenë goditur nga dy persona.

LEXONI: “Ishin 2 autorë! Prindi i fëmijës bën mirë ta dorëzojë vetë”- Vrasja e Martin Canit, trondit babai i 14-vjeçarit të plagosur: Luisi ndodhet në intubim! Një inspektor tentoi t’i bëjë presion në spital

 

Nga kqyrja e parë e kamerave është konfirmuar se autori i arrestuar dhe dy bashkëmoshatarë të tjerë largohen me vrap nga vendi i ngjarjes deri te ish ATSH aty ku u gjet edhe çanta dhe një thikë. Deri aty kanë ikur në këmbë të tre minorenët ku më pas dyshohet se një person i ka marrë me makinë.

Hetuesit janë rikthyer sërish aty për të sekuestruar kamerat. Po ashtu thika që u gjet nga policia nuk është e njëjtë me atë që ka publikuar autori i arrestuar në rrjete sociale. Ky fakt ka ngritur dyshimet te policia se mund të kenë qënë dy autorë të cilët dyshohet se kanë qëlluar me dy thika të ndryshme.

Edhe telefonat celularë të autorit të arrestuar dhe dy shokëve të tij ende nuk janë gjetur nga policia.

LEXONI EDHE: “Janë 2 vrasës! Autori i dytë po tenton të largohet nga vendi”- Goditja me thikë në zemër e 14-vjeçarit, babai i të miturit të plagosur: Si e mora vesh vdekjen e Martinit dhe arsyeja e sherrit

 

Dëshmitë e reja dhe dyshimet nga hetuesit i ka dhënë një tjetër rrjedhë hetimeve të policisë, në lidhje me ngjarjen e rëndë në shkollën ‘Fan Noli’ në Tiranë, Tashmë e gjithë çështja do të nisë nga fillimi.

Do të rikqyren të gjitha pamjet e kamerave të sigurisë, si dhe do të rimerren në pyetje i gjithë stafi i shkollës Fan Noli, të gjithë dëshmitarët e përfshirë që kanë qenë në ngjarje por dhe minorenët e përfshirë në konflikt.

NDIQE LIVE "PANORAMA TV" © Panorama.al