“Jemi të shokuar”/Vrasja e 14-vjeçarit nga bashkëmoshatari! Reagon për herë të parë babai i autorit të dyshuar: Edhe unë jam në të njëjtën situatë si familja Cani, vetëm që arkivolin s’e kam në shtëpi

Nov 21, 2024 | 21:43

Vrasja e 14-vjeçarit, Martin Cani, nga bashkëmoshatari i tij shumë pranë shkollës Fan Noli në Tiranë ka tronditur mbarë opinionin publik.

martin cani mario perlleshaj

Ndërkohë që sot ka reaguar për herë të parë babai i autori të dyshuar.

Babai i autorit të dyshuar të vrasjes së 14-vjeçarit Martin Cani ka reaguar për emisionin “Opinion” në Tv Klan.

Ai nuk ka pranuar të japë intervistë, por dha një mesazh me shkrim.

“Edhe unë jam në të njëjtën situatë si familja Cani, vetëm që arkivolin nuk e kam në shtëpi. Dhimbja është shumë e madhe, ne jemi munduar gjithë jetën ta edukojmë fëmijën tonë në rrugën e drejtë. Jemi të shokuar”, është shprehur babai i autorit të dyshuar të vrasjes së Martinit.