Federiko Dimarko nuk ia ka dalë të rikuperojë për ndeshjen ndaj Mançester Sitit e si rrjedhojë do të jetë mungesa e madhe e zikaltërve në takimin e nesërm në Ligën e Kampioneve.
Në stërvitjen e sotme mbrojtësi nuk është stërvitur dhe është lënë plotësisht pushim ndërsa më vonë Inzagi nuk e ka përfshirë në listën e lojtarëve të grumbulluar për takimin ndaj rivalëve për trofeun.
Përveç tij, Interi përballet me një tjetër mungesë të papritur pasi ditën e sotme ka humbur edhe një prej sulmuesve.
Marko Arnautoviç është zgjuar me temperature dhe nuk do të jetë i pranishëm për ndeshjen ndaj Mançester Sitit, meqë nuk është stërvitur dhe nuk ka udhëtuar me ekipin drejt Anglisë.
PANORAMASPORT.AL
NDIQE LIVE "PANORAMA TV" © Panorama.al
