Shërbimi Sekret Amerikan ka “të meta të thella” që duhet të zgjidhen urgjentisht ose më shumë tentativa për vrasje si ajo në tubimin e Donald Trumpit do të ndodhin përsëri, thotë një raport.
Një panel i pavarur i ngarkuar me hetimin e të shtënave të 13 korrikut publikoi gjetjet e tij të enjten dhe tha se organizata ishte bërë “burokratike, e vetëkënaqur dhe statike”, shkruan BBC.
Në raport bëhet thirrje për një rishikim të udhëheqjes së tij, duke theksuar se një numër “dështimesh specifike” mundësuan sulmin kundër kandidatit presidencial republikan.
Shërbimi Sekret tashmë ka pranuar dështimet nga ana e tij dhe drejtori i tij dha dorëheqjen disa javë pas të shtënave.
Në një deklaratë të enjten, drejtori i saj në detyrë Ronald Rowe tha se agjencia do të shqyrtojë me kujdes raportin e ri.
“Ne kemi përmirësuar tashmë ndjeshëm gatishmërinë tonë, komunikimet operacionale dhe organizative dhe kemi zbatuar operacione të zgjeruara mbrojtëse për ish-presidentin,” tha ai.
NDIQE LIVE "PANORAMA TV" © Panorama.al
