Detaje të reja dalin nga operacioni antidrogë në kryeqytet ku u zbulua një shtëpi bari.
Raportohet se kati i dytë i ish-magazinave të kohës së komunizmit ishte përshtatur në shtëpi bari me llampa elektrike për kultivimin e drogës.
Magazina e vjetër me drogë u zbulua mbrëmjen e kaluar në rrugën “Hamdi Pepo” në zonën e quajtur “Qyteti i nxënësve”.
Policia ka marrë informacione në rrugë operative dhe në orët e vona të natës komisariati nr.2 dhe sektori kundër narkotikëve në policinë e Tiranës kanë zhvilluar operacionin, i cili po vijon ende.
Një sasi e madhe droge është gjetur në magazinat, të cilat mësoheshin se ishin pronë shtetërore. Godina e kthyer në shtëpi bari raportohet se mbikëqyrej me roje sigurie.
NDIQE LIVE "PANORAMA TV" © Panorama.al
