Joshua Kimish bëri edhe një herë një paraqitje të fortë në mesfushën qendrore në fitoren e Bajernit kundër Holstein Kil. Klubi ka vendosur besimin e tij të plotë te 29-vjeçari dhe Kimish e vlerëson këtë.
Mbrojtësi i gjithanshëm ka hapur gjithashtu derën për një zgjatje të kontratës. Vetë Kimish ka sinjalizuar qartë gatishmërinë e tij për një zgjatje në Mynih: “Po, unë jam gjithmonë në dispozicion”, theksoi Joshua kur u pyet për deklaratat e Eberl nga prezantuesi i “Sky”, Sebastian Helmann.
Me fjalë të thjeshta, Kimish pret një ofertë konkrete nga Bajerni. Kapiteni i Gjermanisë gjithashtu e bëri të qartë se aktualisht ndihet shumë rehat në “Allianz Arena”: “Në përgjithësi, është gjithmonë bukur të dëgjosh kur klubi është i bindur për ty dhe mbështetja është. atje. Unë po e shijoj këtë për momentin”.
Sezonin e kaluar pati kritika të përsëritura për gjigantët nga Mynihu. Ish-trajneri i Bajernit, Tomas Tuhel, gjithashtu i kishte mohuar Kimishit cilësinë e numrit 6 klasik dhe e kishte “degraduar” në mbrojtës të djathtë në gjysmën e dytë të sezonit. Tani Joshua duket se po rifiton forcën e tij të vjetër, pas një fillimi të fortë të sezonit. Pavarësisht mbështetjes dhe vullnetit të madh të Kimish, e ardhmja e tij mbetet e pasigurt.
Kontrata i skadon në verën e vitit 2025. Edhe pse të dyja palët janë të gatshme të zgjasin bashkëpunimin, paga e lartë e gjermanit mund të bëhet pengesë. Diskutimet për vazhdimin e kontratës priten të zhvillohen në javët dhe muajt në vijim.
PANORAMASPORT.AL
NDIQE LIVE "PANORAMA TV" © Panorama.al
