Verën e kaluar, Kingsli Koman u konsiderua si një kandidat për shitje në Mynih. Lëvizja në Arabinë Saudite dështoi në sekondën e fundit. Edhe në dimër, francezi shoqërohet me një largim të hershëm nga Sabener Strase.
Largimi i sulmuesit – Arsenali duket se është serioz për anësorin. Prej disa ditësh në Angli qarkullojnë raporte se Arsenali po shqyrton nënshkrimin me Kingsli Koman. “Topçinjtë” do të duhet të bëjnë e pa sulmuesin e tyre më të mirë Bukaio Saka për muaj të tërë. Bomberi anglez iu nënshtrua një operacioni në kofshë në fund të vitit dhe nuk do të kthehet në fushë deri në marsi. Siç raporton portali britanik “Footy Insider”, veçanërisht trajneri i Arsenalit, Mikel Arteta, po kërkon një zëvendësim në dimër. Prandaj, Koman është në krye të listës së dëshirave të spanjollit. Po sipas “Footy Insider”, përgjegjësit në Londër po mendojnë të bëjnë një ofertë për 28- vjeçarin në janar.
Kingsli është i lidhur kontraktualisht me Bajernin deri në vitin 2027. Vlera e tij aktuale në treg llogaritet në 35 milionë euro. Për atë shumë, anëtari i bordit në Mynih, Maks Eberl, ndoshta nuk do ta linin anësorin të ikte. Verën e kaluar pragu financiare ishte rreth 50 milionë euro. Në çdo rast, është e diskutueshme nëse një shitje Koman është një opsion për Bajernin. Kohët e fundit qarkulluan raportimet se përgjegjësit kishin përjashtuar mundësinë e largimit të francezit në dimër. Vetë francezi gjithashtu dëshiron ta përfundojë sezonin aktual në “Allianz Arena” dhe të mendojë vetëm nëse dhe si do të vazhdojnë gjërat gjatë verës.
“MËSYMJA” NDAJ VIRC – Sipas informacioneve të “Sport BILD”, presidenti i nderit Uli Hënes mund të bëhet një faktor vendimtar në sagën e transferimit “Virc”, pasi thuhet se ai ka një lidhje shumë të ngushtë me familjen e 21- vjeçarit. Hënes ka qenë në kontakt me familjen Virc për disa kohë. Mesfushori i avancuar i Bajer këshillohet nga babai i tij Hans-Joakim. 72- vjeçari kishte treguar tashmë disa muaj më parë se Bajern Mynih do të gërmonte thellë në xhepat e tyre për yllin e Leverkusen. Prandaj, shefat në Mynih nuk ka frikë të thyejë shifrën prej 100 milionë për talentin gjermanë.
SAIMIR MBËRSI-PANORAMASPORT.AL
NDIQE LIVE "PANORAMA TV" © Panorama.al
