“Qasje, qasje, qasje”. Kjo fjalë ka tingëlluar fort në dhomat e zhveshjes së Realit të Madridit që nga fillimi i sezonit. Janë kërkuar gjithmonë justifikime për lojën e dobët, mungesa e një faze përgatitore të plotë, përshtatja e Mbapesë…
E vërteta është se mesazhi i trajnerit ka qenë i orientuar që në ndeshjet e para të ligës në këtë kuptim, por është evidente se nuk ka arritur te futbollistët. Ançeloti e di se çfarë është futbolli dhe pavarësisht se vazhdon të marrë mbështetje nga klubi, ai është i vetëdijshëm se në Madrid vetëm fitorja ka rëndësi dhe kjo po mungon.
Golat e pësuar (Selta, Barcelona dhe Milan) portretizojnë skuadrën dhe bëjnë të qartë se nëse lojtarët janë të njëjtë ose pothuajse të njëjtë, qëndrimi i tyre nuk i ngjan asaj të së shkuarës së afërt. Ka shqetësim, por jo vetëm tek teknikët dhe drejtuesit.
Tani janë edhe disa futbollistët që flasin. Lunin dhe Lukas Vaskez e bënë të qartë. Është evidente se Ançeloti po provon gjithçka që beson në pritje të reagimit, por si përgjigje po gjen një mur. Lojtarët ose nuk munden ose nuk duan. Këmbët dhe koka e futbollistëve nuk po i përgjigjet trajnerit dhe në këto kushte Reali është i dënuar të vuajë.
NDIQE LIVE "PANORAMA TV" © Panorama.al
