Shigeru Ishiba, kreu i Partisë Liberale Demokratike (LDP) në pushtet në Japoni, ka siguruar një mandat të ri si kryeministër i vendit pas një votimi parlamentar të hënën.
67-vjeçari u betua për herë të parë si kryeministër në shtator, pasi paraardhësi i tij, Fumio Kishida, dha dorëheqjen mes një sërë skandalesh që tronditën besimin e publikut në LDP.
Përpara seancës së posaçme parlamentare të hënën, Ishiba dhe kabineti i tij dhanë dorëheqjen për t’i hapur rrugë votimeve për kryeministër. Disa orë më vonë, ai fitoi një balotazh kundër liderit të opozitës Yoshihiko Noda.
Ai tani do të duhet përballet me armiqësitë brenda partisë së tij, problemet ekonomike dhe një periudhë fluksi në marrëdhëniet ndërkombëtare.
Si udhëheqës i një qeverie të pakicës, ai gjithashtu përballet me sfidën për t’iu kushtuar vëmendje kërkesave të bllokut opozitar për miratimin e çdo projektligji ose buxheti të ardhshëm – me frikën e bllokimit të mundshëm politik në një parlament të varur.
Si ish-ministër i mbrojtjes, Ishiba fitoi reputacion në politikën japoneze për shkak se ishte kritik i hapur ndaj figurave në partinë e tij, duke përfshirë Kishida dhe udhëheqësin më jetëgjatë të Japonisë, Shinzo Abe. Ky reputacion i shënoi atij pikë në mesin e votuesve.
Ai pritet të formojë një administratë të re të hënën, e përbërë kryesisht nga të njëjtët anëtarë si kabineti i tij fillestar.
Ishiba u emërua kreu i LDP-së në pushtet të Japonisë dhe rrjedhimisht kryeministër i vendit – më 1 tetor, pas një gare të ngushtë mes kandidatëve të LDP-së.
NDIQE LIVE "PANORAMA TV" © Panorama.al
