Një aksident ka ndodhur në aksin Levan-Tepelenë, në vendin e quajtur Buzmadh, ku janë përplasur dy automjete.
Sipas informacioneve të para, mësohet se në aksident janë përshirë dy furgona, nga ku thuhet se kanë mbetur të plagosur 6 pasagjerë.
Sipas informacioneve paraprake, të lënduarit me dëmtime të lehta janë dërguar menjëherë drejt Spitalit Rajonal Fier, ku ndodhen nën kujdesin e mjekëve.
Siç shihet edhe nga pamjet, dy furgonët janë kthyer thuajse në një anë, ndërsa vihet re se njëri prej tyre është shkatërruar në pjesën e përparme.
Në vendngjarje ndodhet policia dhe grupi hetimor të cilët po punojnë për zbardhjen e dinamikës së këtij aksidenti.
NDIQE LIVE "PANORAMA TV" © Panorama.al