Një ngjarje tragjike ka tronditur qytetin e Durrësit pasditen e sotme (30 dhjetor), ku një i moshuar është gjetur i vdekur dhe i masakruar me thikë në banesën e tij.
Viktima është identifikuar me emrin Paulin Gina, ndërsa ngjarja raportohet se ka ndodhur në lagjen 16 të qytetit.
Sipas informacioneve të para, viktima ka pësuar lëndime të rënda në fyt dhe fytyrë dhe si pasojë ka humbur jetën.
Paulin Gina është telefonuar nga të afërmit, por në shtëpi nuk është përgjigjur askush. Të alarmuar ata kanë njoftuar policinë dhe efektivët janë ndeshur me skenën e rëndë të krimit.
I moshuari është gjetur në banesë nga blutë, të cilët kanë nisur hetimet për të zbardhur rrethanat e krimit dhe identifikimin e autorit.
NDIQE LIVE "PANORAMA TV" © Panorama.al
