Kreu i PD-së, Sali Berisha ka shkuar në burgun e Fierit për t’u takuar me demokratin Ervin Salianji.
Kjo është e para herë që Sali Berisha, pas daljes së tij nga arresti shtëpiak, shkon për të takuar ish-deputetin e PD-së.
Që nga data 27 shtator, Ervin Salianji ndodhet në burgun e Fierit, pas dënimit të tij nga Gjykata e Apelit me një vit burg, për veprën penale kallëzim të rremë.
Salianji u vetëdorëzua në Policinë e Tiranës një ditë pas dhënies së vendimit nga togat e zeza dhe u dërgua në burgun e Fierit ku po vuan dënimin.
Dënimi lidhet me një audio-përgjim ku pretendohej se vëllai i ish-ministrit të Brendshëm, Fatmir Xhafaj, ishte i përfshirë në trafikun e drogës.
Gjykata e shpalli Salianjin fajtor për publikimin e këtij audio-përgjimi, duke e cilësuar atë si kallëzim të rremë.
Ish-deputeti kërkoi pezullimin e vendimit nga Gjykata e Lartë, por togat e zeza e rrëzuan.
NDIQE LIVE "PANORAMA TV" © Panorama.al
