Deputeti i PD-së, Asllan Dogjani është paraqitur në Prokurorinë e Posaçme Antikorrupsion (SPAK).
Pas daljes nga SPAK, Asllan Dogjani u shpreh se ka bërë një denoncim për vjedhje të pronës publike në mes të Tiranës.
“Sot kam marrë edhe banorët edhe ish-pronarët të e pallatit ku jetojnë, sepse për këtë kam ardhur edhe sot dhe kam marr një kopjet ta aktit me CD. Këtu kam edhe një dosje të cilën u a kam çuar edhe ambasadorëve sepse shtetit shqiptar nuk funksionon. Kam kërkuar interpelanca, kam bërë debate në parlament i kam kërkuar kryeministri Rama lidhje me grabitjen e pronës publike.
Por ajo që më bën përshtypje është se unë bëj denoncim për vjedhje të pronës publike me korrupsuion. Kam denoncuar publikisht grabitjen e pronës publike në mes të Tiranës në bashkëpunim e Kadastrën. Vetë kadasatra e ka anuluar vendimin e vetë të legalizimit, e kemi kallëzuar në prokurori”, tha ai.
Kjo nuk është hera e parë që ligjvënësi demokrat, i cili është nën hetim pasuror, ka shkuar në ambientet e SPAK.
Ai u thirr më 4 Nëntor dhe pas marrjes në pyetje, Asllan Dogjani u shpreh se po hetohet për shtëpinë e tij, pas një kallëzimi që është bërë, nga një ndërtues që ai e quajti “zaptues”.
Deputeti Asllan Dogjani u shpreh se ka denoncuar më parë këtë person, pasi sipas tij ka zaptuar pronën publike.
“Unë jam tek SPAK për një denoncim që kam bërë që nuk kam pranuar të hesht në lidhje me grabitjen e pronës publike në Tiranë. Është një pallat i ndërtuar në 2006 dhe ndërtuesi në vend të legalizonte pallatet, ka zaptuar një pronë dhe e ka legalizuar në mënyrë të paligjshme. Ky zaptues na ka zaptuar edhe kopshtet publike dhe e përdor për parkim privat. Ne si banorë iu dorëzuam me kallëzim SPAK. Kemi bërë ankesa. Kjo tokë ka qenë tokë me pronar.
Meqe ne bëmë këto ankesa, iu drejtuam edhe Kadastrës. Kadastra vetë mori një vendim anuloi legalizimin. Një tokë publike nuk mund të tjetërsohet. Unë kam komunikuar me ministrin e Brendshëm edhe me kryetarin e bashkisë, edhe me vetë Edi Ramën. I kam kërkuar ndihmë, i kam thënë se janë marrë hapësira publike dhe janë bërë parkingje. Ka ardhur edhe vetë ministri Balla dhe ka thënë që do ta ndjekim. Tani mora vesh që ky mashtruesi paska kushëri një deputet. Rama dhe Veliaj e organizojnë kurthin dhe i thonë këtij zaptuesit kallëzoni Asllanin për pasurinë. SPAK është duke hetuar për shtëpinë time, për të cilën kam 20 vjet që jetoj atje me familjen”, tha Dogjani.
NDIQE LIVE "PANORAMA TV" © Panorama.al
