Ndeshjet e sotme në Ligën e Kampioneve kanë dhuruar rezultate shumë interesante për skuadrat të cilat kërkuan kualifikimin në fazën play-off të turneut. Sfidat e kthimit të turit të tretë i dhanë fund ëndrrës së “Hirushes” së turneut, panë si protagonist me një supergol mesfushorin e kombëtares shqiptare, si dhe të ktheheshin si protagonistë dy futbollistë të njohur të këtij kompeticioni.
Klaksvik e Ishujve Faroe e ka mbyllur sot rrugëtimin e saj në Ligën e Kampioneve duke u mundur vetëm pas kohëve shtesë nga Molde. Pas fitores 2-1 të skuadrës së fshatit të vogël në ndeshjen e parë, sfida e sotme u mbyll 1-0 për norvegjezët gjatë 90 minutave. Një gol në shtesë, ishte ai që vendosi për vazhdimin e mëtejshëm të Molde në këtë aktivitet.
Protagonistë të mbrëmjes ishin edhe Mauro Ikardi me Pierr-Emrrik Obamejang. I pari shënoi golin e fitores 1-0 të Gallatasarajit ndaj Olimpija Ljubljana. Ndërsa i dyti, festoi me dy gola në ndeshjen e sotme të olimpik Marsejës kundër Panathinaikos.
Sot u luajt edhe ndeshja e parë e këtij turi mes Dinamo Zagreb dhe AEK të Athinës, që do të ndeshen përsëri pas dy ditësh për sfidën në Greqi, e cila u shty pas ngjarjeve të dhunshme ku mbeti i vdekur një tifoz i skuadrës greke.
REZULTATET
Aris-Rakov 0-1 (1-2)
49′ Tudor
Makabi Haifa-Slovan Bratislava 3-1 (2-1)
29′ Pierro, 45’+2′ Saba / 85′ Toliç
Molde-Klaksvik 2-0 (1-2)
17′ Eriksen, 110′ Lines
TSC-Braga 1-4 (0-3)
40′ Rakonjac / 9′ Pizi, 13′, 16′ Bruma, 20′ Al Musrati
Gallatasaraj-Olimpija Ljubljana 1-0 (3-0)
25′ Ikardi
Dinamo Zagreb-AEK Athinë 1-2 – Ndeshja e parë
39′ Bulat / 59′ Zuber, 90′ Galanopulos
Sparta Pragë-Kopenhagë 3-3 (0-0) (2-4P)
80′ Birmançeviç, 105′ Laçi, 107′ Olatunxhi / 1’ Larson, 105’+3′, 112′ Klaeson
Shturm Grac-PSV 1-3 (1-4)
26′ Boving / 32′ Verman, 40′ De Jong, 85′ (p) Pepi
Servet-Rejnxhërs 1-1 (1-2)
22′ Kutesa / 51′ Tavernier
LIVE Olimpik Marsejë-Panathinaikos 2-0 (0-1)
2′, 45’+1′ Obamejang
*Në kllapa rezultatet e ndeshjeve të para
**Më të theksuara skuadrat e kualifikuara
PANORAMASPORT.AL
NDIQE LIVE "PANORAMA TV" © Panorama.al
