Një aksident ka ndodhur gjatë natës në hyrje të qytetit të Beratit, në vendin e quajtur “Dogana”.
Një automjet, tip Hunday, që po qarkullonte në drejtim të qytetit të Beratit, ka humbur kontrollin dhe ka dalë nga rruga.
Makina është rrokullisur dhe më pas ka përfunduar në kanalin në anë të rrugës. Si pasojë e përplasjes janë plagosur 3 shtetasit që ndodheshin brenda në mjet. Të plagosurit, që mësohet se janë dy vëllezër dhe një grua, janë transportuar me ambulancë drejt Spitalit Rajonal Berat.
Burime nga spitali i Beratit kanë konfirmuar se të plagosurit kanë marrë plagë të shumta dhe ndodhen nën kujdesin e mjekëve, jashtë rrezikut për jetën. Në vendngjarje kanë shkuar forca të policisë, që po kryejnë edhe këqyrjen e vendit të aksidentit, për të nxjerrë edhe shkaqet e tij.
NDIQE LIVE "PANORAMA TV" © Panorama.al
