Ish-kryetarja e Kuvendit Jozefina Topalli ka kujtuar takimin dhe bisedën e fundit me Gerti Bogdanin, i cili u nda sot nga jeta në mënyrë të papritur.
Topali thotë se herën e fundit kur janë takuar, ai i ka folur për fëmijët e tij, me dashurinë dhe krenarinë e një babai të ri.
Jozefina Topalli thotë se Gerti Bogdani ishte një model për politikën dhe për brezin e ri.
“I fisshëm, i hijshëm, i mençur e gjithë pozitivitet. Një djalë i shkolluar shume mire e mbi te gjitha me edukate te veçante. Si deputet ka qene po aq i njerëzishëm, korrekt, bashkëpunues dhe paqësor”, shkruan ndër të tjera Topalli.
Reagimi i plote
Herën e fundit e kam takuar Gertin afër shtëpisë sime.
E dallova menjëherë nga larg. Ai po ecte drejt meje me buzëqeshjen e tij gjithë mirësi.
U përqafuam. Me pyeti me zërin e tij te bute e përsëri me buzëqeshje, për familjen; më foli për fëmijët e tij me dashurinë e krenarinë e një babai te ri, e pastaj për zhvillimet e kohës…
Gerti hyn nder djemtë , qe përcillte vetëm pozitivistet. Ai ishte model i brezit te ri. Model për politiken, model për familjen, model si individ!
I fisshëm, i hijshëm, i mençur e gjithë pozitivitet.
Një djalë i shkolluar shume mire e mbi te gjitha me edukate te veçantë. Si deputet ka qene po aq i njerëzishëm , korrekt , bashkëpunues dhe paqësor.
Gertin e kane dashur te gjithë.
Nuk dua ta besoj se ai nuk ia doli.
Mendoj për prindërit e tij, për fëmijët, për Edlirën…
Jam krejt e shokuar…
Ngushëllime familjes Bogdani.
NDIQE LIVE "PANORAMA TV" © Panorama.al
