Shoferi i ish-pilotit të Formula 1, Ralf Schumacher, ka dalë në mbrojtje të babait të tij pasi ky i fundit zbuloi se ishte homoseksual.
David ka reaguar pasi e ëma, Cora deklaroi se nuk ishte në dijeni të preferencave seksuale të ish-burrit të saj.
“Normalisht nuk do të doja të flisja publikisht për çështjet familjare sepse këto tema nuk duhet të fliten në internet. Për fat të keq, nëna ime duket se e sheh këtë ndryshe. Tani është koha për t’i dhënë fund: Unë thjesht dua ta jetoj jetën time në paqe dhe t’i arrij qëllimet e mia pa u pyetur për të gjitha gjërat për të cilat nëna ime më akuzon mua dhe babain tim”, shkroi David Schumacher në postim në rrjetet sociale, që më pas e fshiu.
Ai u shpreh se nëna e tij vuan nga probleme të shëndetit mendor.
“Kur prindërit e mi u divorcuan në vitin 2015, nëna ime më kërcënoi se nëse nuk jetoja me të do të më shkatërronte ëndrrën e jetës, pra ëndrrën time për të qenë pilot garash”, deklaroi David.
22-vjeçari tregoi një incident ku e ëma donte ta ndante nga i ati kundër dëshirës së tij dhe iu desh të telefononin policinë.
“Meqë ajo nuk ishte në gjendjen e duhur shpirtërore për t’u kujdesur për mua dhe nuk doja të rritesha në një mjedis ku e vetmja gjë që kishte rëndësi gjatë gjithë ditës ishte ‘sa njeri i keq ishte babai im’, thjesht nuk doja të isha më pranë saj… Ndodhi një incident ku ajo donte të më ndante nga babai im kundër vullnetit tim dhe ia doli. Na u desh të thërrisnim policinë sepse ajo e dhunoi babanë tim pa pushim”, tregoi David.
Ndërsa shtoi se: “Akuzat e vazhdueshme ndaj babait tim se ai më futi gjithçka në kokë dhe vetëm flet keq për të, nuk janë as nga afër të vërteta”.
David Schumacher theksoi se i ati bëri gjithçka që ishte e mundur “që unë të kisha një marrëdhënie të mirë me nënën time”.
“Për vite të tëra, babai më bindi vazhdimisht që t’i jepja një mundësi tjetër. Gjithmonë e bllokoja sepse nuk kam dëshirë apo nerv për të shkuar dhe kaluar të njëjtën gjë: zgjimi i kujtimeve të vjetra dhe përjetimi i të njëjtave përvojave.”
Më pas, ai kishte një mesazh për komentuesit.
“Dhe sjellja juaj tani është një turp absolut: prindërit e mi janë divorcuar prej 9 vitesh! Na lini të qetë dhe na lini të jetojmë jetën tonë. Ne do t’ju lëmë të qetë edhe për nënën e tij Cora.”
Cora Schumacher, ish-bashkëshortja e Ralf Schumacher, yllit të F1 dhe vëllait të Michael Schumacher, shkaktoi bujë në showbizin gjerman pas deklaratës së saj.
47-vjeçarja, rreth një muaj pasi ai doli hapur duke zbuluar se ishte homoseksual, foli për revistën gjermane Spiegel duke treguar përvojën e saj nga marrëdhënia me Ralf Schumacher gjatë 14 viteve të martesës, deri në divorcin e tyre në 2015.
“Kam dëgjuar thashetheme se ai është homoseksual, por më tha të shkoja te një psikolog”, u shpreh ajo.
49 vjeçari Ralf Schumacher zbuloi në korrik se është në një lidhje me menaxherin e tij francez të biznesit, Etienne. Ai publikoi në rrjetet sociale një foto me partnerin, me të cilin thuhet se kanë qenë së bashku për dy vjet.
Ndërsa, pretendohej se ish-gruaja e tij ishte në dijeni, Cora në fakt ka deklaruar se e mori vesh në rrjetet sociale.
Duke folur për Spiegel-in në një intervistë të publikuar më 16 gusht, ajo shtoi gjithashtu se ishte “manipuluar” nga ish-bashkëshorti gjatë marrëdhënies së tyre kur e pyeti nëse thashethemet që kishte dëgjuar se ai ishte homoseksual ishin të vërteta.
“Gjatë karrierës së tij në F1, pati shumë thashetheme. I kërkova të sqaronte nëse ishte e vërtetë ajo që thuhej, por ai gjithmonë e mohonte duke më thënë se po i imagjinoja të gjitha dhe se ndoshta kisha nevojë për ndihmë psikologjike. Por kur bëri njoftimin, ishte si një thikë në zemër. Dalja publikisht ndikon gjithmonë tek ata që ju rrethojnë, përfshirë edhe ish-gruan tuaj me të cilën keni pasur një fëmijë ”, tha Cora.
Ndërsa shtoi: “Sot ndjej se më ka përdorur gjatë martesës dhe se i kam humbur vitet e mia më të mira. Pyes veten: A ishte i sinqertë me mua? A më donte ai? I besova verbërisht dhe prandaj fjala e tij ishte ligj për mua.”
Ralf Schumacher mohon deklaratat e saj, duke pretenduar se Cora e dinte që nga viti i kaluar se çfarë po ndodhte.
Madje e akuzoi si gënjeshtër dhe publikoi një bisedë private si provë.
Në postimin e tij më të fundit, Ralf Schumacher, shkruan: “Dua ta bëj të qartë se Cora na ka uruar në shtator të 2023, sepse ajo mendoi se ne ishim të martuar”.
Pavarësisht nga konflikti i dukshëm mes prindërve të tij, djali i tyre 22-vjeçar duket se e mbështet shumë të atin.
Në një postim në rrjetet e tij sociale, David Schumacher shkroi: “Jam shumë e lumtur që më në fund gjete dikë me të cilin ndihesh vërtet rehat dhe i sigurt, qoftë burrë apo grua”, duke shtuar, “Jam 100% me ty baba dhe të uroj më të mirat dhe urime.”
NDIQE LIVE "PANORAMA TV" © Panorama.al
