Moti i keq në Shqipëri me reshje të dendura shiu duket se është bërë shkak për aksidente rrugore në vendin tonë.
Pas aksidentit në Bulqizë, një tjetër aksident rrugor është regjistrua sot në aksin rrugor “Belsh-Kuçovë”.
Burime bëjnë me dije se dyshohet për tre të lënduar. Aksidenti ndodhi në aksin Belesh -Kuçovë në fshatin Dragot.
Mësohet se automjeti me drejtues shtetasin Henric Xherimeja 21 vjeç, ka humbur kontrollin dhe ka dalë nga rruga.
Në automjetin në fjalë ishin pasagjerë edhe shtetasit Saimir Kamberaj dhe Paula Mema.
Kjo e fundit ka pësuar dëmtime në kokë dhe është transportuar me urgjencë për në spitalin e rrethit të Beratit dhe më pas për në Spitalin e Traumës në Tiranë.
Ndërkohë dy të plagosurit e tjerë po mjekohen në Spitalin e Beratit dhe janë jashtë rrezikut për jetën.
NJOFTIMI
DVP Elbasan/Informacion paraprak
Në aksin rrugor “Belsh-Kuçovë”, automjeti me drejtues shtetasin H. Xh., 21 vjeç, banues në Tiranë, ka dalë nga rruga. Si pasojë janë dëmtuar drejtuesi i automjetit shtetasi H. Xh., dhe 1 pasagjere që udhëtonte me të, cilët janë në kujdesin e mjekëve.
Grupi hetimor po punon për përcaktimin e shkaqeve të aksidentit.
NDIQE LIVE "PANORAMA TV" © Panorama.al
