Lamtumira e gardës së vjetër të Gjermanisë nga radhët e përfaqësueses vazhdon të jetë temë diskutimi, edhe pse ekipi i Julian Nagelsman tregoi se do të bëjë mjaft mirë edhe pa ata duke mundur me shifrat 5-0 Hungarinë në ndeshjen e parë të Ligës së Kombeve.
Diskutimet janë thuajse të gjitha rreth Toni Kros dhe vetë trajneri komentoi këtë situatë pak para fillimit të ndeshjes së mbrëmshme.
“Para Europianit, kur unë kisha idenë që ta ktheja në ekip, të gjithë thanë “nuk e dimë nëse është një ide e mirë”. Tani ai është tërhequr përsëri dhe të gjithë kanë frikë edhe një herë se nuk mund ta zëvendësojmë. Kjo më duket pak çuditshme.
Ai është një lojtar i jashtëzakonshëm. Por ne kemi shumë lojtarë të ngjashëm. Me Stiler, Pavloviç dhe Gros, kemi tre lojtarë që kanë një profil të ngjashëm. Por krahasimi me Tonin është pak i ekzagjeruar. Unë nuk dua të më krahasojnë gjithë kohën me Pep Guardiolën. Kjo është arsyeja pse nuk e bëj këtë gjë asnjëherë as me lojtarët”, tha Nagelsman.
PANORAMASPORT.AL
NDIQE LIVE "PANORAMA TV" © Panorama.al
