Tensione jashtë Kuvendit të Shqipërisë. Teksa seanca plenare nisi në orën 10:00 ashtu sikur se ishte paralajmëruar, jashtë Kuvendit të Shqipërisë deputetët e PD-së u përplasjen me Gardën e Republikës, e cila nuk u lejon hyrjen në sallën e seancës. Një pjesë e deputeteve janë përjashtuar për shkak të përplasjeve që ndodhen në seancën e kaluar në Kuvend.
Deputetët kërkojnë me ngulm të hyjnë në Kuvend, por garda nuk i lejon. “Hapni rrugën”-, dëgjohet të thonë deputetët.
Pak pas nisjes së seancës plenare, deputetët e PD-së kanë përfunduar mbledhjen dhe janë nisur drejt Kuvendit.
Në mbledhje ata kanë diskutuar për skenarin që do të ndjekin sot në kuadër të mosbindjes civile.
Në rendin e ditës sot do të diskutohet për:
- Projektligjiin “Për shkencën dhe kërkimin shkencor në Republikën e Shqipërisë”
- Projektligjin “Për disa ndryshime dhe shtesa në ligjin nr.10 435, datë 23.6.2011, “Për shërbimin e kërkim-shpëtimit në Republikën e Shqipërisë”.
- Projektligjin “Për një ndryshim në ligjin nr. 9693, datë 19.3.2007, “Për fondin kullosor”, i ndryshuar.
- Dekretin nr. 357, datë 10.10.2024, “Për kthimin e ligjit “Për inspektimin në Republikën e Shqipërisë”.
- Projektvendimi “Për një ndryshim të vendimit nr. 66/2021 “Për zgjedhjen e Byrosë dhe përbërjen e sekretariateve të Kuvendit”, i ndryshuar” (Në mbështetje të nenit 78 të Kushtetutës, neneve 8, 10, 10/2 dhe 55 të Rregullores së Kuvendit.)
- Projektvendimi “Për zgjatjen e afatit të Komisionit Hetimor “Për Shërbimet Publike të Sterilizimit dhe të Check-up-it në Shëndetësi”.
- Projektvendimi “Për miratimin e strukturës, organikës dhe klasifikimin e pagave të personelit me kohë jo të plotë pune të Komisionit Qendror të Zgjedhjeve”.
Gazetari i News24. Osman Stafa raporton se takimi ka në fokus aksionin që do të ndërmerret sot në seancën plenare, referuar faktit që ka ende një numër të lartë deputetësh është i përjashtuar me vendim të Sekretariatit të Etikës.
