Presidentja Vjosa Osmani në fjalën e saj gjatë seancës së përbashkët të dy kuvendeve Kosovë-Shqipëri, u shpreh se të dyja vendet duhet të ndërtojnë bashkëpunim më të madh dhe koordinim më të shpeshtë.
Ajo e cilësoi këtë takim si një mundësi për të reflektuar mbi trashëgiminë e përbashkët dhe për të forcuar angazhimin për një të ardhme më të mirë për popujt e Kosovës dhe Shqipërisë, të cilët kanë dëshmuar forcë të jashtëzakonshme dhe angazhim për drejtësi, liri dhe mirëqenie.
Osmani theksoi se seanca e përbashkët duhet të shërbejë si një thirrje për veprim, duke kujtuar se qëllimet e dy shteteve kërkojnë përpjekje të mëdha. Ajo gjithashtu theksoi se një Shqipëri më e fortë do të thotë një Kosovë më të fortë.
“Një Shqipëri më e fortë do të thotë një Kosovë edhe më e fortë. Një Kosovë më e suksesshme e ngre edhe me lartë Shqipërinë. Historia nuk do na gjykojë me dashamirësi nëse nuk do arrijmë për të nderuar unitetin dhe harmoninë domosdoshme. Secili prej nesh duhet të luaj rolin e tij në avancimin e shteteve dhe të qytetarëve tanë brenda familjes së BE. Lidhja e thellë mes Kosovës dhe Shqipërisë është e rrënjosur thellë në histori, sakrifica të panumërta dhe në një vizon të përbashkët për të ardhmen”, tha ajo.
Duke i drejtuar fjalën deputetëve të dy kuvendeve, Osmani shprehu mirënjohje për arritjet e Shqipërisë në rrugën e saj drejt integrimit evropian, duke e quajtur këtë një arritje krenarie për të gjithë shqiptarët.
Presidentja Osmani theksoi gjithashtu se Kosova ka nevojë për mbështetje të vazhdueshme nga Shqipëria, veçanërisht për të tejkaluar padrejtësitë dhe pengesat me të cilat përballet. Ajo përmendi ndër të tjera dhe rëndësinë e anëtarësimit të Kosovës në NATO, duke e cilësuar këtë si një hap të domosdoshëm për të përballuar kërcënimet dhe apetite destabilizuese të Serbisë.
“Anëtarësimi i Kosovës në NATO, do i jap fund apetiteve destabiluese të Serbisë ndaj Kosovës. Për të arritur këtë është jetike të forcojmë koordinimin mes dy shteteve tona”, theksoi ajo.
Vjosa Osmani: Është nder t’ju drejtoheni ne këtë sesion të përbashkët në një takim që pasqyron jo vetëm trashëgimin tonë, por vendosmërinë tonë për të krijuar një atë ardhme të denjë për popullin ton që ka treguar forcë të jashtëzakonshëm dhe një angazhim për drejtësi, liri dhe mirëqenie. Kjo seancë e përbashkët duhet të shërbej si një thirrje për veprim, një kujtesë që qëllimi ynë kërkon një përpjekje edhe me të madhe.
Një Shqipëri më e fortë do të thotë një Kosovë edhe më e fortë. Një Kosovë më e suksesshme e ngre edhe me lartë Shqipërinë. Historia nuk do na gjykojë me dashamirësi nëse nuk do arrijmë për të nderuar unitetin dhe harmoninë domosdoshme. Secili prej nesh duhet të luaj rolin e tij në avancimin e shteteve dhe të qytetarëve tanë brenda familjes së BE. Lidhja e thellë mes Kosovës dhe Shqipërisë është e rrënjosur thellë në histori, sakrifica të panumërta dhe në një vizon të përbashkët për të ardhmen.
Nuk është vetëm lidhje simbolike, por themel i pathyeshëm mbi të cilin duhet të nderojmë bashkëpunim më të madh. Shqipëria dhe Kosova nuk janë vetëm dy shtete të pavarura, por pjesë të pandashme të një kombi të madh, të bashkuar nga në histori e lavdishme dhe një e ardhme e ndritur. Të dy Parlamentet tona kanë rol vendimtar në forcimin e lidhjeve të vendeve tona për qytetarët tonave.
Të nderuar deputetë të dy Kuvendeve, derisa na kemi mbledhur këtu në një kohë kur Shqipëria po bën hapa vendimtare në rrugën e saj Evropian, duke të shpreh urimet e përzemërta për liderët e Shqipërisë dhe qytetarëve. Kjo arritje është krenari jo vetëm për Shqipërinë por për të gjithë shqiptarët kudo që jetojnë. Edhe Kosova si përherë mbetet me përkushtim të palëkundur për integrimin në BE dhe angazhimi ynë është i çdo ditshëm. Nuk është vetëm një qëllim politik, por të asaj se kush jemi, pasqyrim i identiteti dhe vizioni tonë. Kombi ynë mbrojti portën e fundit të Evropës.
Vlerat që qëndron BE, qëndrojnë dhe në vetë themelet e kombit tonë. Pengesat me të cilat Kosova përballet janë tejet të mëdha. Padrejtësitë ndaj Kosovës sa vijnë dhe rriten për t’i tejkaluar na duhet mbështetje e vazhdueshme e Shqipërisë. BE do jetë më i plotë më shtetet tona. Anëtarësimi i Kosovës në NATO, do i jap fund apetiteve destabiluese të Serbisë ndaj Kosovës. Për të arritur këtë është jetike të forcojmë koordinimin mes dy shteteve tona. Për Kosovën Shqipëria ka qene më shumë së një shtet motër, por një aleat. Edhe sot mbetet një shtyllë e fortë e mbështetjes sonë.
Edhe shqiptarët në Preshevë i kanë sytë nga ne, atyre iu shkelen të drejtat në mënyrë flagrante dhe ne duhet të ngremë zërin për të drejtat e tyre. Ne nuk duhet të mbyllim sytë në raport me atë që po ndodh me popullin shqiptar në RMV. Kosova, ka pasur një popull të palëkundur, për të pasur shtetin e saj të lirë e sovran. Kosova është mirënjohëse ndaj Shqipërisë.
NDIQE LIVE "PANORAMA TV" © Panorama.al
