Lexoni notat e futbollistëve të Kombëtares shqiptare për ndeshjen ndaj Gjeorgjisë sipas “Panorama Sport”
STRAKOSHA 6 – Nuk kishte se çfarë të bënte te goli i pësuar, por reagon mirë dy herë të tjera ndaj gjeorgjanëve dhe mban skuadrën e tij në lojë. Ndeshje e mirë për portierin kuqezi.
KUMBULLA 6 – Pasime të sakta dhe bie në sy me spastrimet e zonës. Ku është Kumbulla nuk ka rrezik. Pika më e fortë, lufta në ajër.
HOXHA 6 – Si debutim në formacion, paraqitja ishte e mirë. Rrezik konstant në krah, por rivalët e pengojnë me shumë faulle. Kroson disa herë në zonë, por nuk arrin të gjejë askënd. (Laçi 61’ 5.5)
HYSAJ 6 – I karikuar dhe i ashpër gjatë lojës. Ndahet shpejt nga topi dhe shkon edhe në fundore. Ndeshje e mirë.
ASLLANI 5.5 – U përpoq tejmase dhe lojtari që preku më shumë herë topin në fushë. Duhet të përmirësohet në fazën mbrojtëse. Kërkoi disa herë Rei Manajn me topin e gjatë, por mbrojtja e Gjeorgjisë ishte e vëmendshme.
ISMAJLI 5.5 – I fortë në mbrojtje dhe në pozicion gjithmonë. Vendimtar në rastin e minutës së 58-ë, ku bllokon goditjen e Kakabadzes me një veprim spektakolar. Vetëm një gabim me një kthim topi te Strakosha, ku rivalët për pak shënuan golin e dytë.
MITAJ 5.5 – Aktiv në pjesën e parë, por nuk shkon deri në fundore sepse aty është Hoxha. Si gjithmonë i ëmbël me topin dhe pasime të saktë, por i ikën dy herë kundërshtari në krah. Duhet përmirësim në fazën mbrojtëse.
RAMADANI 5 – Kur bëhet fjalë për një duel në mesfushë, Ramadani del i fituar. Vrapon shumë, por pika më e dobët, loja me topin. Shumë pasime të gabuara dhe kontroll jo i mirë. Larg Ramadanit që jemi mësuar. Një neglizhim edhe te lojtari që goditi nga larg dhe shënoi golin.
ASANI 5 – Dha shkëndija në pjesën e parë, por ashtu si Hoxha, u ndal shpesh me faulle nga rivali. Është një lojtar i cili godet nga larg, por vetëm një herë e tentoi. Nuk ishte ndeshja e tij. (Spahiu 72’, pa notë)
BAJRAMI 5 – Pasimet mëse të sakta, por vetëm horizontal dhe të parrezikshme. E nisi si “10” pas Manajt, ndërsa pasi Hoxha u zëvendësua, spostohet në krah. Ndeshje nën nivelin e tij. Pritej më shumë nga një lojtar me cilësitë e tij. (Uzuni 81’, pa notë)
MANAJ 5 – Dukej sikur të gjithë energjitë i shpenzoi me Ukrainën. U mbulua mirë nga mbrojtja hermetike e kundërshtarit. Nuk rrezikoi asnjë moment. (Seferi 72’, pa notë)
PANORAMASPORT.AL
NDIQE LIVE "PANORAMA TV" © Panorama.al
