Ish-futbollisti gjerman, Mikael Balak, është detyruar që të japë shpjegim publik rreth lajmeve që u përhapën rreth lidhjes së tij me modelen gjermane Sofia Shnaiderhan.
Në media të ndryshme u përhap lajmi se Sofia 24-vjeçare, kishte qenë shoqja e të birit, Emilio, i cili u nda nga jeta në mënyrë tragjike në vitin 2021 pas një aksidenti. Por tashmë 48-vjeçari ka reaguar duke u dhënë fund këtyre lajmeve e duke paralajmëruar se do të ndërmerrte iniciativa ligjore ndaj atyre që spekulonin me lajme të tilla.
“Për shkak të raportimeve të mediave aktualisht, ndjehem i detyruar që të bëj sqarimin në vijim. Partnerja ime Sofia nuk ka qenë as ish e dashura e djalit tim të ndarë nga jeta dhe as shoqe e tij. Ne do të ndërmarrim hapa ligjorë ndaj këtyre të pavërtetave dhe kërkojmë që të respektohet privatësia jonë”, shkruhej në njoftimin publik të ish-kapitenit të Gjermanisë.
PANORAMASPORT.AL
NDIQE LIVE "PANORAMA TV" © Panorama.al
