Edi Reja ka komentuar kampionatin e ngjeshur në Itali. Ish-trajneri i Kombëtares fokusohet te Atalanta, për shkak dhe të miqësisë me Gasperinin.
Përsa i përket titullit, Reja tregon se duhet pritur. Ish-trajneri Italian përmend dhe Lacion si një nga skuadrat që ka bërë mjaft mirë deri tani.
“Kurrë nuk humbas një ndeshje të Atalantës. Gasperinin e kam shok dhe ka qenë gjithashtu lojtar i imi.
Atalanta mund të konkurrojë për titullin. Skuadra ka nga dy lojtarë për rol. Në opinionin tim, Interi mbetet skuadra më e kompletuar, më pas vendos Atalantën dhe Napolin. Duhet të gjykojmë me qetësi sepse kampionati është shumë i balancuar.
Për shembull Lacio: A nuk po luajnë mirë? Nuk e meritojnë gjithashtu? Titulli do të vendoset mes shkurtit dhe marsit. Aty do të jetë momenti kyç”, u shpreh Reja ndër të tjera për “Gazzetta Dello Sport”.
PANORAMASPORT.AL
NDIQE LIVE "PANORAMA TV" © Panorama.al
