Deri tani raportohet për 9 persona të vdekur dhe mbi 2800 të plagosur si pasojë e shpërthimit të pajisjeve të komunikimit të grupit libanez Hezbollah.
Për këtë sulm Hezbollahu ka akuzuar Izraelin, duke paralajmëruar se do t’i përgjigjen.
Ndërkohë në pamjet e shpërndara nëpër rrjetet sociale shihet momenti kur ka ndodhur një shpërthim në një treg.
Shpërthimi thuhet se erdhi nga xhepi i një personi që ndodhej aty afër.
Ndërkohë mediat vendase raportojnë se mes personave të plagosur është edhe ambasadori i Iranit në Liban, Mojtaba Amani.
Çfarë janë pagers dhe pse po i përdorte Hezbollahu?
Shumë do të pyesin pse Hezbollahu po përdorte pager në 2024.
Metoda e vjetër e komunikimit u favorizua në dukje nga grupi Hezbollah veçanërisht për faktin se nuk ishte teknologjia më e fundit.
Udhëheqësi i Hezbollahut, Hassan Nasrallah më parë i paralajmëroi anëtarët e grupit që të mos mbanin telefona celularë, sepse Izraeli mund t’i përdorte për të gjurmuar lëvizjet e tyre.
Nga ana tjetër, pagers, në teori, nuk paraqesin një problem të tillë.
NDIQE LIVE "PANORAMA TV" © Panorama.al
