Ed Sheeran, i cili u bë baba për herë të parë shtator të vitit të kaluar, ka zbuluar dëshirën për të pasur më shumë fëmijë me gruan e tij Cherry Seaborn.
Muzikanti 30-vjeçar foli në podcastin e “Open house Party” këtë javë kur zbuloi se do të ishte ‘super mirënjohës’ nëse do të shtoheshin më shumë anëtarë në familjen e tij, shkruan “Daily Mail”.
Ai tha: “Unë padyshim do të isha shumë mirënjohës nëse do të kisha më shumë fëmijë, por mendoj se vajzat janë shumë më superiore se djemtë. Si djalë vetë, ndjej se mund ta them këtë.
Ndihem kaq me fat që ishim në gjendje të kishim një vajzë dhe mendoj se padyshim do të doja më shumë. Por jemi kaq me fat që kemi një fëmijë. Kështu që nëse asgjë tjetër nuk ndodh, unë do të mbetem shumë i lumtur me vajzën”.
Duke folur si një prind i ri, Ed tha se ndihej sikur është bashkuar me një ‘klub’ pas lindjes së vajzës së tij, Lyra.
Këngëtari tha: “Është e çuditshme të thuash klub, sepse mendoj se sa herë që bëhesh prind futesh në këtë klub në të cilin janë të gjithë prindërit e tjerë dhe të gjithë e kuptojnë njëri-tjetrin.
Nëna ime kujdeset për Lyra në mbrëmje dhe ne dalim për të pirë me dikë që është gjithashtu prind. Ne themi: ‘Oh, mirë, do të kthehemi tani,’ dhe nuk ka asnjë kundërshtim për këtë. Të gjithë e kuptojmë situatën.”
