Afërdita Dreshaj dhe bashkëshorti i saj, Jakub Kindl, janë bërë prindër për herë të parë!
Këngëtarja ka sjellë në jetë djalin e tyre dje dhe këtë lajm e kanë ndarë me të gjithë nëpërmjet një postimi në Instastory.
Afërdita shihet me djalin në krahë, teksa të dy i dhurojnë një puthje të ngrohtë në kokë.
“Nuk mund ta përshkruajmë këtë dashuri”, shkroi modelja krahas postimit, të cilin e shoqëroi edhe me një zemër blu.
Ndërkohë, edhe Jakub publikoi të njëjtin imazh, të cilin e përshkroi me këto fjalë: “Zemrat tona po shpërthejnë”.
Jo më larg se një ditë më parë, Afërdita i habiti të gjithë me videon që publikoi në rrjete sociale, ku shihej duke u stërvitur në borë.
Ajo nuk ka ndaluar së ushtruari në asnjë moment, pavarësisht shtatzënisë, dhe këtë e ka bërë duke marrë sigurisht edhe aprovimin e mjekëve.
Afërdita është kujdesur shumë edhe me ushqimin, në mënyrë që të merrte të gjitha vlerat ushqyese dhe vitaminat gjatë pritjes së ëmbël.
Rreth një javë më parë, edhe vëllai i saj, u bë baba i një djali, të cilin e pagëzuan me emrin Martin, sipas emrit të babait të tyre të ndjerë.
Ndërsa, Afërdita dhe Jakub ende nuk e kanë zbuluar emrin që kanë përzgjedhur për të voglin e tyre.
