Alban Skënderaj që në fillimet e tij ka krijuar imazhin e këngëtarit romantik i cili bëri për vete publikun me balada të fuqishme si “Vetëm ty”, projekti i parë i cili e bëri të famshëm. Megjithatë në kaq vite karrierë Albani ka treguar se di të jetë jo vetëm romantik por edhe këngëtar që i mbush plot club-et.
Publiku e renditi sërish në emrat e preferuar të muzikës shqiptare edhe pasi publikoi “24 orë”, “Duart Lart” e “Kam nevojë”. Për të gjithë ata që e pëlqyen Albanin në stilin e ri, kemi një lajm të mirë. Këngëtari do të vijë në një bashkëpunim me Dj Oltin dhe reperin e njohur nga Kosova, Lyrical Son.
Blitz.al ka mësuar se kënga do të titullohet ‘’93’’ dhe i përket zhanrit “dance”. Kënga flet për vitet ’90 , dashurinë mediatike të shqiptarëve në ato vite, për Italia 1 e Mediaset, për xhinset “Levis” dhe cigaret “President”. Në pjesën e tij Lyrical Son përmend edhe Kosovën në ato vite. Kënga është punuar nga Dj Booky dhe Dj Olti. Albani gjithnjë e ka të garantuar vëmendjen dhe tendenca e tij për të ndryshuar stil, deri tani ka rezultuar e suksesshme. Kjo nuk është hera e parë që Albani bashkëpunon me një reper.
Më herët ai ka sjellë projekte me Capital T, Elinel e Majk të cilat janë kthyer në hite./Blitz.al/
NDIQE LIVE "PANORAMA TV" © Panoramaplus.al