Nisur nga ajo që na shfaqet në ekran, secili prej nesh mund të krijojë opinione dhe mendime të ndryshme për personazhë publikë të caktuar.
Madje, në të shumtën e rasteve ato nuk përputhen me realitetin e tyre dhe kjo është ajo që i ndodhi së fundmi edhe Arbana Osmanit.
Gjatë një bisede virtuale që zhvilloi me ndjekësit në Instastory, dikush e pyeti moderatoren nëse është apo jo mendjemadhe në jetën reale.
“Hmm, dua t’ju tregoj një histori:
Pak ditë më parë, në një nga autogrillet buzë autostradës, kishim ndaluar makinën, sepse Edi doli të marrë një kafe. Unë isha në makinë me Diellin, i cili po flinte. Jashtë ishte shumë ftohtë dhe binte shi. Befas një vajzë troket tek xhami dhe më kërkon të hap derën e makinës.
I bëj me shenjë që po fle djali i vogël dhe nuk e hap dot. Më thotë që do të bëjë një foto dhe i them që nuk mundem (se do duhej të hapja derën, do bëhej zhurmë, do futej era e ftohtë e Dielli mund të zgjohej, të ftohej, të qante). Me pak fjalë i thash nuk mundem.
Pas disa orësh, mora një mesazh të gjatë në Instagram nga vajza që më thotë se sa shumë ishte zhgënjyer nga unë dhe se si nuk e priste që vipat të ishin aq ndryshe në realitet. Ia shpjegova edhe një herë dhe u duk se e kuptoi.
Kur është fjala për fëmijët e mi, jam ‘mendjemadhe’, ‘luftarake’, ‘egoiste’, e plot gjëra të tjera si këto. Joni për shembull është një fëmijë që e do mamën vetëm për vete dhe nuk e ka qejf kur bëj foto me njerëz ndërsa kam dalë me të…Por mbi të gjitha, jashtë kamerës, jam një njeri normal, me problemet e përditshme, luhatjet e humorit dhe paranojat e një njeriu të zakonshëm”, shkroi moderatorja.
Ndërsa një ndjekës tjetër e pyeti: “Si ja ke bërë kur ke dëgjuar që njerëzit kanë folur keq për ty në një moment të caktuar?”.
Arbana, si përgjigje ndaj këtij kurioziteti, shkroi:
“Nëse kanë qenë njerëz që kam njohur dhe e kanë bërë këtë gjë pas krahëve dhe e kam marrë vesh (se në fakt gjithmonë e marr vesh), i kam larguar nga jeta ime dhe jam ndjerë shumë mirë pasi e kam bërë këtë gjë.
S’ka ndjesi më të bukur se t’i tregosh vendin atij / asaj që s’të respekton, me indiferencë.
Ata që s’njoh e s’më njohin pastaj le të flasin ç’të duan. Asnjë problem me ta, se flasin nga padija”.
NDIQE LIVE "PANORAMA TV" © Panoramaplus.al