Aktori i njohur fitues i çmimit “Tony”, Michael McGrath ka ndërruar jetë në moshën 65-vjeçare.
Lajmin e trishtë e ka bërë të ditur një përfaqësues i aktorit për “People”, teksa tregoi se ai vdiq në shtëpinë e tij në Bloomfield, New Jersey.
I lindur në Worcester, Massachusetts, McGrath u bë i njohur për publikun në rolet e tij kryesore 14 filma në Broadway, duke përfshirë “Plaza Suite”, “Tootsie”, “Spamalot” dhe “Nice Work if You Can Get It”.
Ai ishte dy herë fitues i çmimit “Tony”, i nominuar tre herë për çmimin “Drama Desk” dhe fitues i çmimit Botëror të Teatrit.
McGrath gjithashtu ishte ndihmësi i Martin Short në “The Martin Short Show”.
Publicisti i tij e përshkroi McGrath si: “një fanatik i Red Sox, njohës i burbonit, bashkëshort dhe baba i përkushtuar dhe mik i kujtdo që e takonte”.
McGrath ka lënë pas gruan e tij, aktoren Toni Di Buono dhe vajzën, aktoren Katie Claire McGrath.
NDIQE LIVE "PANORAMA TV" © Panoramaplus.al