Ditët e fundit Shakira është parë në shoqërinë e aktorit Tom Cruise dhe kampionit të Formula 1, Lewis Hamilton, gjë e cila ndezi thashethemet se këngëtarja mund të ishte drejt një romance me njërin prej tyre.
Fundjavën e kaluar, ajo u fotografua në Miami me ikonën e Hollivudit, i cili dukej shumë i lumtur pranë saj.
Më pas ajo u pa dhe në shoqërinë e Lewis Hamilton me të cilin fillimisht u shfaq në restorantin Cipriani dhe më pas fotografuan nga paparacët duke udhëtuar me një jaht së bashku me disa miq.
Kjo situatë solli reagimin e fansave të saj të cilët shpresonin se këngëtarja i ka hapur dyert për të pasur një lidhje dashurië në jetën e saj pas ndarjes së bujshme nga Gerard Pique.
A ekziston një mundësi reale për një romancë mes Shakirës dhe Tom Cruise?
Megjithatë, fansat e këngëtares kolumbiane do të duhet të presin më shumë përpara se ta shohin atë në një romancë të re pasi një burim i afërt me Shakira tha për US Weekly se këngëtarja nuk ka asnjë interes për Tom Cruise .
“Shakira ka parë thashethemet në internet se Tom i ka dalë në ballë dhe sesi fansat po shprehin mendimet e tyre, por ajo mendon se është qesharake sepse nuk është e vërtetë”, tha burimi.
“Ajo kaloi një kohë të mirë me Tomin në F1, por nuk ka interes të takohet me të. Ai ishte shumë i këndshëm dhe asaj i pëlqente shoqëria e tij, por për momentin ajo nuk është e fokusuar të takohet me të apo dikë tjetër. Ajo ka shumë gjëra në jetën e saj dhe tani për tani është e fokusuar tek fëmijët dhe karriera e saj”, shtoi insajderi.
Dhe Lewis Hamilton?
Në lidhje me paraqitjen e saj me Hamiltonin , burimet e TMZ “thonë se as me yllin nuk ka asgjë romantike, gjithçka është thjesht miqësore”. Kështu që duket se Shakirën do ta shohim single edhe për pak kohë.
