“Asnjë nga banorët nuk më flet!”/ Kriset marrëdhënia e Graciano Tagani me ish-konkurrentët e “BBV”! Balerini: Unë jam delja e zezë e këtij sezoni

Balerini Graciano Tagani ka treguar se nuk ka marrëdhënie të mira me asnjë nga ish-banorët e “Big Brother VIP”.

Gjatë një interviste të zhvilluar së fundmi me Beniada Nishanin dhe partneren e tij Argjira Spancën, Graciano tha se ka qenë delja e zezë e këtin reality show sepse me përjashtim të Endrik Bebës, Rike Roçit dhe Liam Osmanit asnjëri nga ish-banorët nuk i flasin më.

“Nuk kam dalë nga vetja pa arsye! Unë jam delja e zezë e këtij sezoni, sepse askush nga banorët nuk më flet!”– tha Graciano.

Pas rifutjes në shtëpi, balerini bëri një lojë të ashpër me disa nga banorët, duke krisur miqësinë e krijuar me ta jashtë “BBV”, ku e tillë ishte dhe ajo me Erjola Doçin.

Ish-konkurrenti pretendonte se Romeo Veshaj ka flirtuar me moderatoren, megjithëse një gjë e tillë u mohua nga kjo e fundit duke i dhënë fund miqësisë që ata kishin krijuar jashtë shtëpisë.