Bashkëshortja e Sinan Hoxhës, Andrra Destani, ka zbuluar se është në pritje të ëmbël për herë të dytë.
Lajmin e bukur e dha ajo vetë, teksa publikoi në llogarinë e saj në Instagram disa foto me barkun e rrumbullakosur.
“Pritja më e ëmbël, e lumtur dhe mirënjohëse për çdo sekondë të jetës, të presim me padurim!”, shkroi ajo krahas tyre.
Bukuroshja kishte zgjedhur që për këtë set të veçantë fotografik të vishte një fustan të bardhë.
Përveç lajmit për shtatzëninë, Andrra zbuloi edhe se së shpejti në jetë do të vijë një djalë.
Kështu, djali i tyre i parë, Ansi, do të bëhet me një vëlla të vogël.
Kjo ishte edhe dëshira e të voglit për këtë fundvit, e cila më në fund iu realizua.
“Këtë fundvit, esenca e atmosferës festive në familjen tonë është pohimi i lutjeve të Ansit! Falënderuese pafund Zotit, për dhuratën më të bukur të Ansit, një vëlla… Një përkëdhelje e ëmbël për Ansin po vjen…”, shkroi po ashtu partnerja e këngëtarit të njohur shqiptar.
