Bieta Sulo ka folur së fundmi për raportin që ka me vajzën e bashkëshortit të saj, Alban Dudushit.
Joelle ka ardhur në jetë nga martesa e parë e moderatorit. Kur Bieta solli në jetë Kroin katër vite më parë, ajo mori rolin e motrës së madhe dhe siç moderatorja ka treguar e ka pritur me shumë entuziazëm lajmin e shtatzënisë.
Teksa ishte e ftuar mbrëmjen e djeshme tek “Në kurthin e Piter Pan”, Bieta ka folur për raportin që ka me Joelle.
E pyetur nga fëmijët nëse vajza e Albanit është shoqja e saj, Bieta tha:
“E kam shoqe të ngushtë madje, këtë duhet ta cilësojmë. Bëjmë disa muhabete që nuk ia themi të gjitha Albanit për shembull. I bëjmë ne të dyja kështu si shoqe.
Ndonjë kritikë (për Albanin) sigurisht që e kemi, aq më tepër kur jemi me njëra-tjetrën që kemi gjëra që nuk na pëlqejnë, por jo. Në fund të ditës, Albani është babai më i mirë në botë”.
Bieta zbuloi se nëse nuk do të ishte moderatore dhe pjesë e gazetarisë, ajo do të kishte pasur dëshirë ta shihte veten si aktore.
Kjo sepse gjatë fëmijërisë, ka luajtur në filmin “Djali Elastik”, në të cilin ishte motra e personazhit kryesor.
Pas tij, ajo tregoi se mori disa propozime të tjera, por prindërit nuk e lejuan, sepse duhej të fokusohej tek shkolla dhe sepse diçka e tillë e lodhte shumë.
