Arbana Osmani numëron mijëra ndjekës në llogarinë e saj në Instagram e duke qenë mjaft aktive, edhe komentet apo mesazhet që merr janë të shumta.
Mirëpo ditën e djeshme, dikush i ka nisur moderatores gabimisht një mesazh, të cilin e kishte përgatitur për dikë tjetër.
Ashtu si zakonisht, Arbana ndau me ndjekësit një recetë, nëpërmjet së cilës u tregonte se si të gatuajnë “cheesecake” me salmon, duke shtuar se meqë është me dietë, vetë e ha salmonin mbi tostin me avokado.
“Bën kjo katunarja sikur çfarë ka bërë, sikur nuk e dimë ne. Kur hanim ne avokado a salmon, kjo hante sufllaqe”, shkruhej në mesazhin që iu dërgua gabimisht moderatores.
Osmani e ndau këtë mesazh në Instastory, ku shkroi: “Ka ca që më vdesin pastaj. Nga seria ‘doja me ia nis një shoqeje, po ta nisa ty gabimisht’. Unë vdes për sufllaqe. Ku ta gjej ta ndërroj salmonin me sufllaqe”.
