Ish-banori i “Ferma Vip”, Valer Kolnikaj ka zbuluar disa sekrete dhe prapaskena që ndodhën mes konkurrentëve teksa ka deklaruar se dy prej tyre kryen marrëdhënie seksuale.
Në një intervistë së fundi, ai ka treguar se mes këngëtares Baby G dhe aktorit të humorit Albana Bogdo ka pasur momente të nxehta teksa ndodheshin së bashku në fermë.
Valer Kolnikaj rrëfeu se dy konkurrentët bënë seks në fermë, edhe pse dyshja mohuan gjatë qëndrimit aty se kanë pasur momente intime me njëri-tjetrin.
“Për shembull ishte pikëpyetje a kryen marrëdhënie apo jo Albano me Baby G, realisht po. Kanë pasur marrëdhënie. Kanë pasur momente shumë të nxehta në “FermaVIP”, tha Valeri në emisionin “Glamour”.
Raporti i aktorit të humorit dhe këngëtares u diskutua shumë pasi gjatë qëndrimit të tyre në “Ferma Vip” treguan afrimitet me njëri-tjetrin, madje u duk se do të krijohej një çift brenda shtëpisë.
Momentet e tyre intime poshtë batanijes u bënë virale në rrjetet sociale aso kohe, me Baby G që mohoi të jetë puthur me Albanon.
“Unë me Albanon kemi qenë afër si shokë, kam respekt për të. Kur më ka treguar pëlqimin, i kam thënë nuk ta besoj. Jam natyrë flirtuese, ato janë ndjenjat, e respektoj. Kur të dal kam planet e mia, sa jam single, më leni rehat. Kam flirtuar po. Kjo është një lojë nga ana e tij, nuk ka pasur puthje mes nesh. Jo një puthje nuk ka ndodhur”, tha këngëtarja në atë kohë.
“Nuk ka ndodhur puthje asnjëherë mes nesh”, tha aktori.
Por jo vetëm kaq në rrjete sociale u aludua edhe për një romancë tjetër të Baby G, me ish-fermerin Dionis Biba. Por asnjëri prej tyre nuk pranuan të kishin lidhje me njëri-tjetrin.
Ndërkohë këngëtarja Baby G është bërë pjesë e platformës për të rritur “OnlyFans”, ku publikohen foto dhe video +18 dhe abonentët mund t’i shikojnë vetëm nëpërmjet pagesës.
Lajmi u dha vetë nga ish-konkurrentja e “Ferma Vip”, Baby G e cila zbuloi se do të pjesë platformës për të rritur.
“S’mund ta besoj as vetë. Po, e dëgjuat këtu së pari, Baby G hap OnlyFans, qartë e pastër. Besnikët e mi të anëtarësohen dhe le të përditësohemi së bashku”, shkroi ajo.
Baby G njihet për imazhet e saj provokuese dhe hot të cilat i ndan me ndjekësit në rrjetet sociale, ku nuk lë vend për imagjinatën.
Ndërkohë vite më parë është bërë edhe pjesë e skandaleve ku një foto e saj me reperin Fero, ku ky i fundit e prekte në pjesët intime u bë virale.
Nuk u mor vesh kurrë nëse dyshja ishin në një lidhje apo ç’po ndodhte mes tyre pasi ata nuk u prononcuan.
Ndërkohë lidhja e saj publike ka qenë me artistin Lim Hoti, romancë e 5 viteve më parë e cila zgjati shumë pak. Ajo shfaqej pranë partnerit të saj herë pas here, duke mos e fshehur në asnjë moment raportin e tyre. Çifti solli dhe një videoklip së bashku, me titull ‘Pretty Gangster’, por ndarja erdhi shumë shpejt.
NDIQE LIVE "PANORAMA TV" © Panoramaplus.al