Një moment i veçantë ka ndodhur mbrëmjen e djeshme në emisionin “Proçesi Sportiv” ku ka qenë i ftuar edhe sulmuesi i Partizanit, Edgar Çani.
Ai ka folur gjerësisht për ndeshjen kundër Kukësit dhe lojën e Partizanit gjatë atyre minutave sfidë, por gjatë bisedës futbollisti u ndesh edhe me një ngacmim të bukuroshes së këtij emisioni, Blerta Lekës.
Fituesja e Miss-Universe iu drejtua shtatlartit të të kuqve: “Ti nuk më dukesh se je vetëm për futbollist. Me fizioniminë që ke mendoj se je për aktor”, i tha ajo duke qeshur, ndërsa sulmuesi i Partizanit u vu disi në siklet, por nuk e la pa përgjigje Blertën.
Çani ia ka kthyer gati me të njëjtën monedhë: “Duke qenë se jam sulmues, dua të eci vetëm para. Ndaj unë jam më shumë për aksion”, përfundoi ai duke qeshur./Panorama Plus/
NDIQE LIVE "PANORAMA TV" © Panoramaplus.al