Sindi Loci vendosi që të largohej nga studioja e “Për’puthen” ditën e djeshme, pas ofendimeve që i ishin bëri nga Juli në një video live me dy konkurrentë të tjerë.
E përlotur, 22-vjeçarja kërkoi t’i kërkohej falje nga ana e Julit, i cili dëgjohej duke sharë në video me fjalë të pakëndshme. Mirëpo, ky i fundit e ka mohuar ta ketë pasur sharjen për të, duke shtuar se e kishte për telefonin.
“Çfarë ju kam bërë që më urreni kaq shumë?”,- u shpreh Sindi.
Kur pa se të gjithë po përkrahnin Julin, përfshirë edhe opinionistin Arjan Konomi, ajo u largua nga studioja. Kjo sepse familja e saj e ka përjetuar shumë keq këtë ngjarje, dhe madje nënës së saj, e cila po kalon një periudhë të vështirë, depresive, për shkak të humbjes së babait, iu desh të merrte qetësues të fortë.
Pas kësaj situate, Elvis Lushi, ish-konkurrenti i “Për’puthen” ka reaguar nëpërmjet një postimi në Instastory.
“E neveritshme deri në ekstrem, të shikosh se si një produksion me kaq audiencë dhe përgjegjësi, justifikohen ofendimet e rënda dhe përkrahin anti-vlerat.
Ore ju që jeni aty brenda, si pranoni të jeni të pranishëm e mos të thoni një gjysmë fjale? Qoftë Sindi, qoftë kushdo tjetër, s’e meriton këtë përbuzje publike, në një spektakël që pretendohet se përfaqëson rininë shqiptare”,- ishin fjalët e Elvisit.
