Antonela Berisha bëri të mundur kthimin e Atdhe Xharavisë në “Për’puthen”, pasi deklaroi se ka ende pëlqim për të.
Konkurrentja i kërkoi produksionit që t’i mundësonte një takim me Atdheun, në të kundërt ajo nuk do të dilte me asnjë nga djemtë në takim.
Fill pas kësaj, dyshja është fotografuar në shoqërinë e njëri-tjetrit duke darkuar në një restorant. E pas kësaj ata udhëtuan bashkë drejt Italisë, dhe kjo u zbulua nga postimet që bënë në llogaritë e tyre sociale, duke treguar se ndodheshin në Milano.
Mirëpo, së fundmi në rrjet po qarkullon një foto tjetër e Antonelës, por këtë herë jo me Atdheun.
Ajo shihet duke hipur në një makinë luksoze që po e pret në rrugë.
Nga një foto e publikuar para pak kohësh nga Fation Kuqari në Instagramin e tij, shihet se ish-konkurrenti ka pozuar krah të njëjtës makinë, duke i bërë të gjithë të mendojnë se diçka mes tyre po ndodh.
