Fansat e klubit anglez të futbollit duket se kanë një lidhje të veçantë me këngëtaren me origjinë shqiptare Dua Lipa, teksa ende vazhdojnë të këndojnë një nga këngët hit të saj që prej vitit 2018.
Por pse fansat e Liverpool-it janë kaq të fiksuar me këngën e Dua Lipa-s?
Disa fansa të futbollit mund të kenë mbetur të habitur teksa shikonin lojtarët dhe tifozët e Liverpool- it duke festuar fitoren e tyre në “Carabao Cup 2021-22” duke kënduar tekstin e “One Kiss” të Dua Lipa-s.
Trajneri Jurgen Klopp e përshkroi momentin duke thënë: “Ishte vërtet bukur të festosh me njerëzit pas një kohe të gjatë pa pasur mundësi për të festuar diçka”, referuar periudhës së pandemisë.
One kiss is all it takes ?? pic.twitter.com/hPRAvP8OZJ
— Liverpool FC (@LFC) February 28, 2022
Lidhja e veçantë mes tifozëve të Liverpool dhe këngës ‘One Kiss’ filloi kur ajo performoi në finalen e Ligës së Kampionëve në vitin 2018, e cila u zhvillua në Kiev të Ukrainës.
Kur UEFA njoftoi fillimisht se do të zhvillohej një shfaqje, dukej se kishte një ndjenjë skepticizmi rreth idesë në Evropë, duke pasur parasysh ngjashmëritë me aktivitetet e sporteve amerikane.
Ndërkohë që disa tifozë të futbollit ishin të pasigurt për konceptin, 30,000 tifozët e Liverpool-it që kishin udhëtuar 1,800 milje për të arritur në stadiumin “NSC Olimpiyskiy”, sigurisht që ishin në bord, teksa këndonin tekstin e “One Kiss”.
Pavarësisht humbjes 3-1 ndaj Real Madridit që asokohe drejtohej nga Zinedine Zidane, në ditët në vijim, videot e tifozëve të Liverpool-it që këndonin këngën u bënë virale në rrjetet sociale dhe kështu lindi një traditë e re.
“Një nga pikat kryesore të natës ishte padyshim që të shihja videon e të gjithë tifozëve të Liverpool-it që këndonin së bashku One Kiss. U ndjeva shumë e nderuar”, tha Dua Lipa për faqen zyrtare të Liverpool-it në vitin 2020.
Cilin ekip futbolli përkrah Dua Lipa?
Në një intervistë për WIRED , Dua Lipa e përshkroi veten si një “Mbështetëse Nderi te Liverpool-it” dhe shtoi se ajo “e do Liverpoolin, dhe se kjo skuadër ka gjithmonë një vend të veçantë në zemrën e saj”.
Megjithatë, disa tifozë të Liverpool mund të jenë të zhgënjyer kur mësuan se besnikëria e saj është e ndarë. Në të njëjtën intervistë për WIRED , ajo zbuloi: “Babai dhe vëllai im mbështesin Arsenalin dhe mendoj se do të gjendesha në shumë telashe nëse do të thosha se thjesht mbështes Liverpoolin”.
A këndojnë fansat e Liverpool-it ndonjë këngë tjetër të Dua Lipës?
Pavarësisht se artistja tre herë fituese e çmimit Grammy publikoi disa hite të mëdha që nga finale e Ligës së Kampionëve, ‘One Kiss’ duket të jetë kryesorja që ka mbërthyer me tifozët e Liverpool-it.
Koncerti i saj ‘Future Nostalgia’ i vitit 2022 në Liverpool mezi po pritet nga fansat e “Reds”.
Për çfarë flet kënga ‘One Kiss’ e Dua Lipës?
NDIQE LIVE "PANORAMA TV" © Panoramaplus.al
