Dafina Zeqiri ka njoftuar mbrëmë ndjekësit e saj në rrjete sociale se është infektuar me Covid-19.
Këngëtarja publikoi në Instastory një selfie, ku shihet pa make up e me flokë të çrregullt.
“Covid-i nuk do që unë të bëj selfie, por në djall shkofsh Covid!”, shkroi Zeqiri krahas fotos.
Në një video të postuar po ashtu në Instastory pak para se të njoftonte që është infektuar me koronavirus, Dafina shihet pranë të dashurit të saj, Dj Geek.
Kjo tregon se dyshja është karantinuar bashkë, pasi edhe artisti është infektuar, sipas “Prive”.
Pak kohë më parë, Dafina zbuloi se i është nënshtruar një operacioni të vështirë në gju. Rikuperimi për këngëtaren zgjati më shumë se pesë javë.
Megjithatë, ky operacion nuk e pengoi Dafinën që të sillte një projekt të ri muzikor për fansat e saj, të titulluar “Duro”.
NDIQE LIVE "PANORAMA TV" © Panoramaplus.al