Ekipi ligjor i Johnny Depp ka kaluar dy javët e fundit duke u përpjekur të provojë se Amber Heard ka abuzuar me të – por dikur Johnny e admironte “forcën” e saj që ai pretendoi se rivalizonte atë të “një mijë burrave”.
Një mesazh i legjendës 58-vjeçare të “Piratëve të Karaibeve” u lexua nga avokati i Heard, Ben Rottenborn, në gjykatë ndërsa gjyqi pas padisë së Depp për shpifje kundër ish-bashkëshortes së tij vazhdon në Virxhinia. Shtatë muaj përpara se Depp ta quante Heardin si një “b*thë të shëndoshë” dhe “plot me m**”, ai i dërgoi një mesazh emocional nënës së ndjerë të Heard, Paige Parsons më 19 gusht 2014.
“E dashura ime Paige, sa i sjellshëm dhe i pastër ishte mesazhi yt. Jam shumë mirënjohës që të kam në jetën time. Nuk ka njeri më me fat në këtë tokë që të ketë forcën që Amber më jep mua dhe mbështetja e plotë e secilit prej jush individualisht që kam marrë ndihmon pa masë.”- shkruante ai.
Ylli i “Edward Scissorhands” vazhdoi, duke e përshkruar veten si një “drogaxhi të gjorë”. “Nuk kam nevojë t’ju shpjegoj tmerret. Ti e di po aq mirë sa unë. Ajo që duhet të dish – që vajza jote është ngritur shumë më lart se detyra e makthit për t’u kujdesur për këtë drogaxhi të gjorë e të vjetër. Nuk ka kaluar asnjë sekondë që ajo të mos kujdesej për mua ose të mos i ketë sytë nga unë për t’u siguruar që jam mirë. Fjalët janë vërtet të pakta në përpjekjen për të shpjeguar heroizmin e saj në një mesazh. Mjafton të them se kurrë nuk kam takuar, apo dashuruar, një grua më shumë. Ajo ka forcën e një mijë burrave dhe kjo i detyrohet askujt ose asgjëje përveç teje, zemër. Faleminderit. Unë të dua. Djali juaj”, përfundoi ai.
Mesazhi u dërgua gjashtë muaj përpara se Depp dhe Heard të martoheshin, në shkurt 2015. Ata u ndanë në vitin 2017. Paige Parsons ndërroi jetë në vitin 2020.
View this post on Instagram
NDIQE LIVE "PANORAMA TV" © Panoramaplus.al
