Mbrëmjen e djeshme Stambolli është tronditur nga një krim i rëndë ku mbetën të vrarë dy persona të cilët janë gjetur në hotelin me 5 yje, Conrad.
Agjencia turke e lajmeve “IHA” raporton se Vatan Sasmaz, aktor i dhjetëra roleve dhe aktualisht prezantues në radiotelevizionin shtetëror “TRT” është gjetur i vdekur, i qëlluar me armë zjarri disa herë pas shpine.
Afër tij është pajetë e qëlluar me një plumb në kokë, ish-modelja Filiz Aker, e cila dyshohet të jetë vetëvrarë pas vrasjes së aktorit.
Vatan Sasmaz, 43-vjeç ishte i martuar prej vitit 2015 me Yasemin Adali, ndërsa ish-modelja Filiz Aker raportohet se ka qenë e dashura e e tij. Media ka publikuar edhe disa foto të dy viktimave së bashku.
Dyshohet se çifti është grindur me njëri-tjetrin, dhe në momentin që aktori ka tentuar të largohet nga dhoma e hotelit është qëlluar 4 herë pas shpine.
Më poshtë shihet momenti kur aktori dhe modelja hyjnë në të njëjtën dhomë hoteli.
NDIQE LIVE "PANORAMA TV" © Panoramaplus.al