Ka qenë një nga periudhat më të vështira në jetën e Cristiano Ronaldos pasi ai humbi djalin e porsalindur, por siç është shprehur edhe vetë ylli i futbollit është mirënjohës për ardhjen në jetë të vajzës.
Numri 7 i Manchester United ka publikuar në Instagram foton e parë vetëm me të bijën ku shfaqen në një moment shumë special. Ronaldo shihet pa bluzë teksa mban në krahë të voglën dhe e sheh me shumë dashuri. Krah fotos bardhezi ai shkroi: “Dashuri e përjetshme”.
View this post on Instagram
Kjo foto e asit portugez vjen pak pasi ai poston një portret familjar ku shihej me Georginën dhe të gjithë fëmijët. Vlen të theksohet se çifti nuk e ka zbuluar ende se si e kanë quajtur të bijën.
Më 18 prill përmes një postimi në rrjetet sociale Cristiano shkruante se fatkeqësisht djali i tyre humbi jetën gjatë lindjes dhe në jetë erdhi vetëm vajzë nga binjakët që prisnin. “Jemi të shkatërruar nga kjo humbje”- shkruante mes të tjerash Ronaldo, i cili një ditë më pas mungoi në ndeshjen e Manchester United me Liverpool.
View this post on Instagram
Me tu rikthyer në fushë kundër Arsenal ai shënoi një gol dhe ia dedikoi pikërisht engjëllit të tyre, duke bërë me shenjë nga qielli.
Ndërkohë, kjo periudhë nuk ka qenë e lehtë as në fushë për CR7, flasim këtu në nivel klubi pasi në aspektin personal ka qenë shumë mirë. E ardhmja e Cristiano Ronaldos te Manchester United po duket gjithnjë e më shqetësuese, pavarësisht aftësisë së tij të vazhdueshme për të gjetur rrjetën, pasi ka shënuar 17 gola në 28 ndeshje në Premier League. Në fakt, 37-vjeçari është golashënuesi i dytë më i mirë në ligën angleze, pas Mohamed Salah të Liverpool-it.
View this post on Instagram
Megjithatë, United po kalon një nga sezonet e tyre më të këqija në historinë e tij dhe është pesë pikë prapa Arsenalit të vendit të katërt, ndonëse ka luajtur dy ndeshje më shumë.
Në këto kushte djajtë e kuq e gjejnë veten jashtë “Champions League” teksa kjo është hera e parë për Ronaldon që kur bëri debutimin e tij për Sporting CP në 2002/03 jashtë kompeticionit europian.
NDIQE LIVE "PANORAMA TV" © Panoramaplus.al
View this post on Instagram
