Aktorja e njohur Adriana Matoshi vendosi që këtë vit të bëhej pjesë e politikës, duke garuar në zgjedhjet e parlamentare 2021, në krah të Lëvizjes Vetëvendosje.
Ajo mori përkrahjen e shumë kolegëve, një ndër të cilët është edhe aktori i humorit, Don Pifqi.
Adriana dhe Doni kanë lindur të dy në Gjilan. Satiristi publikoi posterin e aktores në llogarinë e tij në Facebook, ku shpërndau linkun e profilit të Adrianës, krah së cilës shkruante “Urime Adriana Matoshi!”
Por, ky postim mori shumë komente negative nga ndjekësit, sepse e paragjykojnë Matoshin nga lidhja që ka me futbollistin afrikan, Keith Groeneveld.
“Njerëzit si disa nga komentuesit meritojnë të jetojnë si mjerana, qashtu qysh e kanë shpirtin! Dashuria nuk është veç seks o gubana, po ajo që juve iu mungon më së shumti, ajo që ju dhemb e e përflitni!
Mjer ju për shpirtrat e zi që i keni, qysh s’ju vjen turp prej Zotit? Zoti na ka krijuar, Zoti na gjykon, e juve Zoti shpirtrat e zi jua bëftë të bardhë, se badihava që lëkurën e keni të bardhë e të zdralaftë deri në qiell!
Faleminderit Dan për përkrahjen, ke qenë i drejtë gjithë e të pafsha gjithmonë kështu me zemër të madhe”, shkruante ajo si përgjigje ndaj gjithë atyre komenteve negative.
