Aktorja e njohur Jennifer Garner në një intervistë të dhënë së fundmi për News.com, është treguar më shumë se e sinqertë kur ka deklaruar se pas ndarjes nga bashkëshorti Ben Affleck, nuk ka dalë me asnjë mashkull.
Ata i dhanë fund lidhjes së tyre më shumë se 10 vjeçare në vitin 2015, lidhje nga e cila kanë tre fëmijë.
Jennifer ka treguar se edhe pse miqtë e saj janë munduar që ta prezantojnë me meshkuj të tjerë ajo i ka refuzuar pasi nuk dëshiron të ketë asnjë lidhje me asnjë mashkull në këtë periudhë.
Ajo ka treguar se është duke jetuar një jetë të cilën nuk do të kishte dëshiruar kurrë ta jetonte, pasi nuk ka shpresuar këtë mënyrë jetese as për veten dhe as për fëmijët e saj.
“Që unë të filloj të njoh një mashkull, duhet të qartësoj mendimet e mija dhe të kuptoj që jo të gjithë meshkujt janë njësoj, jo të gjithë gabojnë…”, është shprehur bukuroshja brune.
