Një 20-vjeçare është dënuar me 6 muaj burg, pasi qëlloi për vdekje me armë të dashurin e saj. Të gjithë këtë e bëri në kërkim të famës dhe të të ardhurave që jep “Google” për shikueshmërinë e videove në platformën “Youtube”.
BBC shkruan se Monalisa Perez dhe i dashuri i saj i ndjerë, Pedro Ruiz postonin në “Youtube” video nga përditshmëria e tyre, deri në qershor të vitit të kaluar, kur videoja e radhës shkoi keq.
Në videon e fundit, Pedro i kërkon të dashurës së tij që ta qëllojë me pistoletë në një distancë prej 30 centimetrash. Në gjoks ai kishte vendosur një libër rreth 4 centimetra të trashë dhe ishte i bindur se plumbi nuk do të depërtonte.
Por fatkeqësisht ndodhi e kundërta, pasi goditja që mori i riu, në atë kohë 21 vjeç ishte fatale. Ai ndërroi jetë pak momente pas plumbit që i depërtoi në gjoks i vrarë nga e dashura e tij, sigurisht pa dashje.
Ndërkohë sot, Monalisa Perez, 20 vjeç u dënua nga një gjykatë në Minesota me 6 muaj burg për ngjarjen e ndodhur thuajse një vit më parë.
PANORAMA PLUS
NDIQE LIVE "PANORAMA TV" © Panoramaplus.al