Ajo është një këngëtare mjaft e njohur dhe e suksesshme, si brenda ashtu edhe jashtë vendit. E kemi fjalën për Elhaida Danin, e cila me talentin e saj ka arritur të fitojë jo vetëm zemrat e publikut shqiptar, por edhe atij të huaj.
Këngëtarja ka një propozim të veçantë dhe kërkon mendimin e fansave për një produkt mjaft të veçantë muzikor.
Në një postim në ‘Instagram’, ajo shkruan:
“Për shqipet e mia…E njihni shfaqjen e Notre-Dame De Paris? Çfarë mendoni nëse e sjell në Shqipëri? Kam mbështetjen tuaj? Do isha vajza më e lumtur në botë”.
Kujtojmë se Elhaida është vazhdimisht në lëvizje me projekte të ndryshme, në shumë vende të Europës por asnjëherë nuk harron që të mendojë për fansat shqiptarë dhe të sjellë për ta produkte muzikore kaq të mëdha.
