Ata arritën në Mbretërinë e Bashkuar në fillim të kësaj jave përpara festimeve të Jubileut Platinum të Mbretëreshës.
Dhe Kim Kardashian me Pete Davidson dukeshin të dashuruar si kurrë më parë teksa blenë disa bizhuteri në Mayfair të Londrës. 41 vjeçarja dhe i dashuri i saj ecën dorë për dore në ‘Dover Street Market’ përpara se të hynin në ‘Comme des Garçons Jewellery’.
Kim më pas u pa duke shfletuar artikuj të ndryshëm ndërsa ndihmohej nga një shitëse dyqani. Kim shfaqi format e saj të pabesueshme e veshur me një stileto metalike Balenciaga.
Kim mbante një çantë dore argjendi dhe një pallto ngjyrë bezhë në njërën dorë, ndërsa kishte vendosur një palë syze dielli drejtkëndëshe të zeza. Ndërsa Pete kishte veshur tuta jeshile dhe një bluzë të zezë, shoqëruar me një xhaketë. Ai kishte veshur një palë atlete të bardha dhe një palë syze dielli katrore teksa ecte përdore me Kim.
Dalja e tyre e fundit vjen pasi ata shijuan një natë në ‘River Café’ në Londër. Nuk është e qartë pse dyshja kanë udhëtuar drejt Anglisë, megjithëse pa dyshim që do të përfshihen në festimet përpara Jubileut Platinum të Mbretëreshës Elizabeth këtë fundjavë. Ajo që ngelet edhe më e paqartë është se çfarë kanë blerë atë. Komentet e ndjekësve në rrjetet sociale janë të shumta: Unazë fejese? Kim ka thënë se e ka seriozisht me Pete, por ndoshta është shumë herët për këtë?
Udhëtimi romantik i çiftit në Londër vjen pasi ish-bashkëshorti i Kim-it, Kanye West, rindezi luftën e tij me të për kujdestarinë e katër fëmijëve në këngën e tij të fundit. Kanye ‘u ankua’ në këngën ‘True Love’, e cila u publikua të enjten mbrëma. Në këngën, me vokal nga i ndjeri XXXTentacion, Ye shpreh pakënaqësinë e tij me orarin e kujdestarisë, teksa repon: ‘Prisni, kur t’i shihni fëmijët? Do të shihemi nesër/ Prit, kur të perëndojë dielli? Shihemi nesër.’ Muzikanti duket gjithashtu i pikëlluar për faktin që fëmijët e tij nuk janë me të gjatë gjithë kohës: ‘Kur i marr, ndihem sikur i kanë marrë borxh/ Kur duhet t’i kthej, skanoj si barkod’.
Kanye vazhdon të ankohet për veshjet e fëmijëve. “Prisni, kush i veshi fëmijët në ato “What are them?”/ Prit, pse ata nuk mund të veshin Yeezys?” pyet ai, duke iu referuar markës së tij. “Të gjithë e dini që Nike nuk më pëlqen, të gjithë do ta çoni shumë larg, megjithatë/ Të paktën t’i keni në disa Mike, ai luajti për Çikago,” vazhdoi ai, duke iu referuar mosmarrëveshjes së tij me Nike për një debat financiar.
Kënga vjen pasi Kim u përpoq të sqarohej me familjen e saj për mënyrën se si Kanye i kishte ‘trajtuar’ ndër vite në episodin e fundit të ‘The Kardashians’. Kim ndau keqardhjen e saj për mënyrën se si ishte sjellë reperi teksa foli me Khloé, Kendall, Kourtney, Travis Barker dhe nënën Kris Jenner, së bashku me të dashurin e saj Corey Gamble, gjatë një darke.
NDIQE LIVE "PANORAMA TV" © Panoramaplus.al