Këngëtarja shqiptare me famë botërore, Dua Lipa, po korr suksese të njëpasnjëshme në karrierën e saj muzikore.
25-vjeçarja ka arritur të fitojë disa çmime këtë vit, si artistja e re më e mirë, artistja më e nominuar në “Brit Awards 2021” etj.
Për të gjithë fansat e këngëtares në Shqipëri ka një lajm të mirë.
Së shpejti Lipa do të vijë në Tiranë për të mbajtur një koncert së bashku me babanë e saj, Dukagjin Lipan.
Lajmin e ka bërë të ditur Kryetari i Bashkisë Tiranë, Erion Veliaj, nëpërmjet një postimi në Twitter.
Veliaj publikoi një imazh ku shihej krah Anesës, nënës së Duas dhe krah Dukagjinit.
“Diçka po gatuhet në Tiranë me Dukagjin Lipan dhe Anesa Lipan. Qëndroni gati”,- shkroi Erioni.
Dua Lipa është në një lidhje romantike me vëllain e motrave të famshme Hadid, Anwar Hadid, prej më shumë se dy vitesh.
NDIQE LIVE "PANORAMA TV" © Panoramaplus.al